İngilis dilində isimlər sayıla bilən və sayıla bilməyən olmaqla iki qrupa bölününr. Sayıla bilməyən isimlər cəmlənmir və qeyri-müəyyən artikl (a/an) ilə işlənmir. Belə isimlərin sayı kifayət qədər çoxdur.

  • Jewellery (zinət əşyaları) sayılmayan isimdir (uncountable noun). Amma:

1) Zinət əşyalarının adları sayıla bilir:
a ring –üzük
an earring – sırğa (cüt olduğu üçün əksər hallarda cəmdə işlənir)
a bracelet –qolbağı
a necklace – boyunbağı
2) Jewels (daş-qaş, cəvahirat) sözü cəm isimdir (plural noun) və tək forması yoxdur.

  • Furniture (mebel) sayılmayan isimdir (uncountable noun). Amma mebelin növləri sayıla bilir. Məsələn, a sofa (divan), an armchair (kreslo), a table (stol), a chair (stul), a bed (çarpayı) və s.
  • Traffic (nəqliyyat) sayılmayan isimdir (uncountable noun). Amma a traffic jam (tıxac) sayıla bilir.
  • Music (musiqi) sayılmayan isimdir (uncountable noun). Amma a song (mahnı) sayıla bilir.
  • Food ümumi mənada sayılmayan isimdir:
    There was not enough food for everyone.
    Amma ərzağın konkret növündən söhbət gedirsə, o, sayılan isimdir:
    The doctor advised her to avoid fatty foods.
    Butter is a healthy food.
    There were a lot of frozen foods in the refrigerator.
  • İce cream (dondurma) ümumi mənada sayılmayan isimdir (uncountable noun). Amma porsiyalarla nəzərdə tutulanda sayılan isim (countable noun) olur. Məsələn, mağazadan aldığımız bir nəfərlik dondurmalar sayılır.
    Mummy, can I have an ice cream? – Anacan, (1 porsiya) dondurma yeyə bilərəm.
  • Rice (düyü) sayılmır – uncountable, A lentil (mərci), a bean (lobya), a pea (noxud) isə sayılır – countable.

Müəyyən isimlər var ki, məna fərqi ilə həm sayılan, həm də sayılmayan isim kimi çıxış edir. Aşağıdakı cədvəldə belə sözlərin bir neçəsi ilə tanış ola bilərsiniz.

Uncountable (sayılmayan) Countable (sayılan)
Law – hüquq (elm sahəsi) A law – qanun
Medicine – tibb A medicine – dərman
Competition – rəqabət A competition – müsabiqə, yarış
Glass – şüşə A glass* – stəkan
Iron – dəmir An iron – ütü
Paper – kağız A paper – qəzet
Hair – saç A hair – tük
Light – gün işığı A light – lampa işığı
Work – iş A work – əsər
Room – yer A room – otaq
Toast – tost (qızarmış çörək) A toast – tost (sağlıq)
Time – zaman, vaxt 2/3/… times – 2/3/… dəfə
Wood – taxta A wood – meşə
Responsibility – məsuliyyət A responsibility – vəzifə öhdəliyi
Chicken – toyuq əti (ərzaq) A chicken – toyuq
Fish – balıq əti (ərzaq) A fish – balıq
Lamb – quzu əti (ərzaq) A lamb – quzu
Pepper – istiot (ədviyyat) A pepper – bolqar bibəri (tərəvəz)
Business – biznes fəaliyyəti A business – müəssisə, şirkət
Belief – inam A belief – inanc
Dominoes – domino oyunu A domino – domino daşı (cəmdə dominoes)
Cloth – parça A cloth – təmizlik bezi
Post – poçt göndərişi A post – yüksək vəzifə
    Nümunələrə diqqət yetirək:
  • There are laws against drinking in the street. (qanun)
  • She’s going to study law at university. (hüquq)
  • Penicillin produced a revolution in medicine. (tibb)
  • She knows a lot about herbal medicines. (dərman)
  • Competition for jobs is intense. (rəqabət)
  • She’s entered a crossword competition. (yarış)
  • The road was covered with fragments of glass from the shattered window. (şüşə)
  • She poured some milk into a glass. (stəkan)
  • The roof is made from sheets of corrugated iron. (dəmir)
  • I picked up a new steam iron at the sale. (ütü)
  • Dictionaries are usually printed on thin paper. (kağız)
  • He’s got short, dark hair. (saç)
  • Oh yuck, there’s a hair in my soup! (tük)
  • She could see the city lights in the distance. (lampa işığı)
  • It’s a north-facing room so it doesn’t get much light. (Günəş işığı)
  • I’ve got so much work to do. (iş)
  • The museum has many works by Picasso. (sənət əsəri)
  • This sofa takes up too much room in the flat. (yer)
  • The library consists of two rooms. (otaq)
  • I had a piece of toast for breakfast. (qızarmış çörək)
  • I’d like to propose a toast to the bride and groom. (sağlıq)
  • He wants to spend more time with his family. (vaxt)
  • They go swimming four times a week. (dəfə)
  • He gathered some wood to build a fire. (taxta)
  • We went for a walk in the woods after lunch. (meşə)
  • No one wants to take responsibility for the problem. (məsuliyyət)
  • My responsibilities include answering the phone and dealing with customer enquiries. (vəzifə öhdəliyi)
  • religious beliefs (dini inanclar)

* A glass (stəkan) sözü cəmdə glasses olur. Glasses həm də eynək/eynəklər deməkdir. Amma stəkan sözü tək (a glass) və cəm (glasses) olduğu halda, eynək sözü yalnız cəmdə ola bilir və tək forması yoxdur.

A cloth və cloth sözləri ilə bağlı müəyyən çaşdırıcı məqamlar olduğu üçün onlar haqqında başqa bir yazı yazdım.

Facebook səhifəmizi izləməyi və Telegram kanalımıza abunə olmağı unutmayın.

Məqaləni kopiyalayıb “MAYAK”ı mənbə göstərmədən paylaşmaq qadağandır!

“İngilis dilində sayılan/sayılmayan isimlər” üçün 71 şərh

  1. Geri izləmə: Cloth/ a cloth/ cloths/ clothes/ clothing – MAYAK

      2. Bəli, sayılandır.
        People sözünün iki mənası var:
        • A person sözü cəmlənəndə kökdən dəyişib people olur. Bu halda people (insanlar, camaat) cəm isimdir. Onun qarşısında “a” artiklı işlənmir.
        • A people xalq mənasında tək isimdir. Ona görə də həmin isim təkdə olanda qarşısında “a” artiklı işlənir. Cəmlənəndə isə peoples (xalqlar) olur.

        Bəyən

      1. Piece, slice və bu tip digər kəmiyyət bildirən sözlər cəmlənir. A piece – pieces, a slice – slices. Amma “a slices of lemon” yanlışdır. Slices cəm olduğu üçün qarşısında “a” artiklı ola bilməz.

        Bəyən

    1. Soup ümumi mənada sayılmır, amma porsiya nəzərdə tutularsa, sayılır. Məsələn, 1 kasa şorba mənasında sayılır.
      Sand ümumi mənada sayılmır. Çimərlikdə qumluq mənasında sayıla bilir.

      Bəyən

      Cavabla

    1. Book, apple və potato sayılır. Digərləri sayılmır, amma bəzilərinin sayılabilən mənası da var. Məsələn, tea ümumi mənada sayılmır, 1 fincan çay mənasında isə sayıla bilər.

      Bəyən

      Cavabla

Bir şərh yazın